Akala nya ay matatagalan bago maka-move on si Riley pero pagkatapos nun ay kabi-kabila na naman ang mga nababalitaan nyang nali-link dito. Hindi na rin ito masyadong nagkukwento o nagpapakita ng mga pictures ng mga babaeng nilalandi nito dahil siguro ay napapansin nitong nag-iiba ang mood nya kapag ganun. Nalalaman na lang nya ang tungkol sa mga babaeng iyon sa ibang tao o kaya'y sa mga babae nito mismo. Hindi iilang beses na nakakatanggap siya ng mga messages sa f*******: nya para lang tanungin ng mga babaeng hindi nya kilala. Kinukumpirma kung may girlfriend ba si Riley, kaanu-ano ba siya ni Riley at kung anu-ano pa. Minsan naman ay lalapitan na lang siya bigla at kakausapin o kaya'y kakaibiganin, iyon pala ay nagpapalakad lang kay Riley.
Balik na rin sila sa dati. Lagi na rin itong tum
