Matapos nilang mag-usap ni Riley ay saka bumisita si Raine sa kanila. Hapon na nun at mag-isa lang sya sa bahay at kasalukuyang nakatitig lang sa blangkong sketchpad. Wala pa siyang nasimulan. Napalingon lang sya nang may nag doorbell sa gate. Nakita nyang nakatayo sa labas si Raine. Tumayo sya para buksan ang gate. Alanganin ang mukha ni Raine nang mapagbuksan nya.
" Hi," maikling bati nito.
" Hi. Halika pasok ka muna," anyaya nya rito.
Umupo sila sa may veranda. Ngumiti siya dito para matanggal ang pagkaasiwa nito. Para itong guilty na hindi nya mawari.
" A-ahmm, sinabi ni Riley n-na alam mo na iyong tungkol sa amin?" panimula nito.
" Yah, at masaya ako para sainyong dalawa. Bagay na bagay kayo." lumuwang ang pagkakangiti nya kahit dama nya na parang lumalaki din ang hiwa ng sugat s
