Ilang araw matapos ang operasyon...
Maaga pa lang ay bumisita na si Carmen sa ospital. Hawak-hawak niya ang ilang prutas at lugaw na paborito ni Justin. Tahimik ang buong paligid ng ward, at ang tunog lang ng mga monitor ang maririnig habang dahan-dahan siyang pumasok sa silid.
Nakahiga si Justin, may benda sa ulo, at nakakabit pa rin sa dextrose. Ngunit mas maaliwalas na ang mukha nito, kahit may bahagyang pamumutla.
"Justin..." mahina niyang tawag.
Dumilat si Justin. "Ate" bulong nito, halos walang boses pero may ngiti. "Nandito ka..."
Nilapitan siya ni Carmen at marahang hinawakan ang kamay nito. "Oo, nandito na ako. Kamusta ang pakiramdam mo?"
"Masakit pa rin ulo ko... pero sabi ng nurse, successful daw ang operation," mahinang sagot ni Justin. "Salamat, ha..."
Napapikit si Carm
