NAUGA ang mundo ni Luisita nang magtapat sa kanya si Jeff Mitchel isang linggo pagkatapos niyang i-celebrate ang eighteenth birthday niya.
Hindi niya alam kung ano ang iisipin niya. Hindi niya alam ang gagawin niya. Hindi niya gusto ang nangyayari sa kanilang apat. Ramdam na ramdam niya ang pagbabago. Magkakaibigan silang apat at ayaw niyang masira iyon. Ayaw niyang mawala na lang basta ang isang magandang bagay na nangyari sa buhay niya dahil lang lumagpas sila sa linya ng pagkakaibigan. Hindi tama ang nangyayari sa kanila. Maibabalik pa ba ang lahat sa dati ngayong may nagtapat na sa kanya?
Hindi niya inakala na iibig sa kanya si Jeff Mitchel. Hindi niya kailanman binigyan ng malisya ang pagkakaibigan nila. Ang buong akala niya ay matalik silang magkaibigan kaya mabait ito sa kanya, ka
