NAIRITA ang tainga ni Luisita nang sumunod na araw dahil sa hindi maubos na tanong ni Jeverlyn tungkol kay Cecilio. Kahit na may klase sila ay iniistorbo siya nito. Paulit-ulit nitong itinanong sa kanya kung wala talaga silang relasyon ni Cecilio.
“Wala ka ba talagang gusto sa kanya?” pangungulit nito habang wala pa silang professor.
Naitirik niya ang kanyang mga mata. “Wala nga sabi,” naiinis na sagot niya. Hindi lang yata sampung beses siya nitong tinanong sa bagay na iyon. “Para na kaming m-magkapatid.” Halos hindi iyon lumabas sa bibig niya ngunit alam niyang kailangan niyang sabihin upang manahimik na ito.
Jeverlyn smiled in satisfaction.
Isang linggo pagkalipas niyon, magnobyo na ang dalawa. Hindi na siya nasorpresa. Alam niya na hindi magtatagal ay mahuhulog din sa patibong ni C
