“TIGILAN mo na `yan,” saway ni Luisita kay Cecilio na panay ang pindot sa doorbell. Nasa harap sila ng pintuan ng unit ni Eduardo.
Maagang nagtungo sa apartment niya si Cecilio at niyaya siyang magpunta sa unit ni Eduardo. Tumanggi siya dahil may pasok siya nang araw na iyon ngunit kinonsiyensiya siya nito. Kailan daw ba siya huling dumalaw sa boyfriend niya? Kailan daw sila huling nagkita at nagkausap ni Eduardo?
Nakonsiyensiya naman siya. Aminado siya na hindi na niya naaasikaso si Eduardo. Tuwing yayayain siya nitong lumabas ay tinatanggihan niya. Sa sobrang kaabalahan niya ay hindi man lang niya ito natatawagan. Malamang na nagtatampo na ito sa kanya.
Bukod sa nakonsiyensiya, gusto rin niyang malaman kung bakit nagalit nang husto si Cecilio kay Eduardo. Magandang senyales na si Cec
