"Miss Amelia, nakakatuwa ho at lumalabas na kayo ngayon ng kwarto. Hindi niyo lang ho napapansin pero nitong nagdaang araw sumisigla rin si Doña Isabela dahil sa mga pinapakita niyo. Dati ho hindi siya gaanong nananatili dito sa mansyon pero ngayon dito niya na ho ginaganap ang ilang meeting niya para makasabay kayo sa bawat pagkain."
"Si Lola.." Huminto ako sa paglalabas ng mga patatas sa malaking paperbag. Hindi ko maitanong sa kanila kung mabait ba talaga si Lola kahit gusto ko.
"Ano ho 'yon?" Sinilip ni Manang Theresita ang mukha ko. Huminto rin siya sa paghihiwa at nakangiting hinintay ang sasabihin ko.
"Wala po. Hayaan niyo na." Ngumiti rin ako at nagpatuloy sa paglalabas ng mga patatas. "Para saan niyo po ba 'to gagamitin? Parang ang dami naman po ng iluluto niyo?"
"Nako, may d
