"Ready ka na ba?"
Hindi ko alam kung saan ako huhugot ng lakas ng loob. Hindi ko naman akalaing sasakay kami sa isang jet ski. Paano kung mahulog ako rito at tumilapon sa laot? Hindi pa naman ako marunong lumangoy. Nanginginig pa rin ang tuhod ko pagkasakay pa lang sa likod niya. Ang mas nakakakaba, wala akong makakapitan.
"G-Gino, sigurado ka ba rito?" Parang mas gusto ko na lang bumaba.
"Don't worry. You're safe. Ako ang bahala sa iyo," may pagmamayabang niyang sambit. Safe? Seryoso siya? "Kapit ka lang sa abs ko," dugtong pa niya sabay hawak sa kamay ko at hinila niya papunta sa kanyang bewang.
"P-pwede bang dahan-dahanin mo lang?"
"Ang alin?" may paghagikhik niyang tanong. Medyo marum
