"Saan ka galing?" nagtatakang bungad sa akin ni Gino nang makabalik ako. Para ilang minuto lang ako nawala sa tabi niya kung makapag-alala naman 'tong isang 'to. Miss agad ako?
"Ano ka ba? Nag-grocery lang ako. Gusto kasi kitang ipagluto. Bawi man lang sa pagtulong mo sa akin," sambit ko sa kanya habang papasok ako ng unit niya. Inilapag ko sa mesa ang mga pinamili kong mga gulay at karne kasama ng iba pang sangkap para sa lulutuin kong sinigang para sa kanya.
"Hindi mo naman kailangang gawin iyon. Okay lang naman sa akin na ako na ang magluto." Hinarap ko siya. Medyo natawa pa ako sa narinig ko.
"Ikaw, nagluluto?" Tumaas pa ang kilay ko. Hindi kasi kapani-paniwala dahil sa nakita ko, wala halos walang laman ang kitchen ni
