Pagdating pa lang nina Jeriah at Wylda sa sasakyan sa tapat ng venue, tila ba sumabog ang paligid sa sunod-sunod na pagkislap ng mga flash ng camera. Ang ingay ng mga reporter na nagtatanong nang sabay-sabay ay sapat na para mabuwag ang konsentrasyon ng sinuman, ngunit dahil sa nangyari sa loob ng kotse, may ibang klaseng aura ang dalawa.
​Si Jeriah ang unang lumabas. Inayos niya ang kaniyang suit jacket, at sa isang sulyap sa salamin ng kotse, tiniyak niyang wala nang bakas ng kaguluhan sa kaniyang anyo. Umikot siya sa kabilang pinto para pagbuksan si Wylda—isang galaw na agad kinuhaan ng litrato ng lahat.
​"Stay close to me," mahinang bulong ni Jeriah habang inaalalayan ang dalaga sa baywang.
​Napalunok si Wylda. Ramdam pa rin niya ang tamis ng huling sandali nila sa kaniyang labi, at
