PAGKALABAS ni Lyla sa kuwarto, hindi agad nakakilos si Jak. Nakatitig lang siya ng pintuang nilabasan nito. Hindi niya alam kung ano ang sumapi sa kanya. Basta natagpuan na lang niya ang sariling bumababa ng basement. Pagdating niya sa control, may pinindot siya sa keyboard. Nag-zoom sa screen ang harapan ng bahay nila.
Nakita niya roon si Lyla na kausap si Manang Julia. Inihatid pa ito ng maid hanggang sa gate. Hindi ito umalis hanggang hindi nakasakay si Lyla. Wala na ito pero nakatingin pa rin si Jak sa screen. Ilang minuto pa ang lumipas bago niya ibinalik sa dati ang monitor.
Para siyang robot habang umaakyat ng hagdan. Imbes na dumiretso siya ng elevator, sa hagdan siya dumaan. Nakabalik siya ng kanyang kuwarto nang hindi niya namamalayan. Nang gabing iyon, hindi siya makatulog. M
