“Ayan, kaunting retouch lang sa makeup mo dahil napakaganda mo pa rin naman. Actually, kahit walang makeup ay mananalo at mananalo ka pa rin naman talaga sa gabing ito. Sa ganda mo ba namang ‘yan eh! Siguro nga ay ako ang nawawalang ina mo, magkamukha tayo eh!” wika ng baklang nag-aayos kay Ashleigh na siyang ikinatawa nilang lahat.
Kasulukuyan silang nasa maliit na kubo at doon ay muli siyang inayusan ng kaunti ng bakla. Kasama niya roon si Tonya at si Jake, habang si Mang Gener naman ay nasa labas kasama ang apo nitong si Archer.
“Oh siya, ija. Iwan na muna kita sandali huh. At aawra lang muna ang bakla ng taon. Dito ka lang hanggang hindi ka pa tinatawag no’ng host huh,” sabi pa ng bakla kay Ashleigh na nakangiting tinanguan naman ng babae. At sa huli ay tuluyan na ngang umalis ang ba
