TULAD nga ng sinabi ni Beckham, kinabukasan nga ay dumating ang sinabi nitong abogado.
Hindi ako halos makatulog dahil laman ng isipan ko ay ang tungkol sa amin ni Beckham. Kung hahayaan ko siyang makipaghiwalay sa kanya wala na akong panghahawakan na alas para magawa ang mga plano ko.
Kailangan kong makapag-isip ng paraan para hindi mapasawalang bisa ang kasal namin.
"Attorney, this is Apple, my wife," pagpapakilala sa akin ni Beckham sa abogado.
"Hello, Apple. How are you?" magiliw na tanong ng abogado.
"Ayos lang po ako," pagsisinungaling ko.
"Can we start now?" tanong ng abogado.
"Umh... Attorney, ayos lang po ba isagawa ang annulment kahit meron akong amnesia?" tanong ko na ikinakunot ng noo nito at bumaling ng tingin kay Beckham.
"Meron siyang amnesia, Mr. Velasquez?"
"Yes,"
