“Ano? Akala mo hindi ko malalaman na ikaw ang babae ni Mario? Kaya pala halos hindi umuwi ng Manila si Mario dahil may pinagkakaabalahan na siyang ibang babae rito, kaya pala nanlalamig na sa akin si Mario dahil may iba ng nagpapainit sa katawan niya!” galit na sigaw nito sa akin.
No’ng mga oras na ‘yon, gusto ko na lang magpalamon sa lupa matapos marinig ang mga ‘yon.
Hindi ko alam na may namamagitan pa rin sa kanilang dalawa. Bakit hindi ko man lang naisip ang bagay na ‘yon?
Pinagtitinginan ako ng lahat ng taong nakapalibot sa amin, bulungan sila nang bulungan, puno ng panghuhusga ang kanilang mga mata habang nakatingin sa akin. Nakakahiya ako. Pakiramdam ko ay ang dumi-dumi ko. Pakiramdam ko ay napakasama ko. Nakakahiya. Nakakahiya ka, Sandra!
“Bakit hindi ka makapagsalita ngayon? N
