Hinawakan ko ang tiyan ko. “Siya na ‘ata ang magiging dahilan para tumigil ka muna sa pag-inom.” Ngumuso si Ume at tiningnan ang tiyan ko. Mayamaya pa ay itinapat niya ang tainga niya sa tiyan ko.
“Gutom na ‘yong baby ko,” sabi niya at tumingin sa akin. Umiling ito at tumayo. “Bibili muna ako ng pagkain, papapasukin ko na rin sina Nanay dahil gusto ka rin nilang makausap. ‘Wag nang masyadong umiyak at baka kung mapa’no pa ang baby sa tiyan mo.” Nakangiti akong tumango sa kaniya bago niya ako iwan.
Hindi naman daw ako magtatagal dito sa loob ng Hospital, mamaya lang daw ay makakauwi na kami. Hindi ko alam kung pa’no ang aking gagawin gano’y nag-eskandalo ako sa palengke, baka kung mapa’no si Nanay Elena, baka mamaya ay wala ng bumili sa kaniya.
Si Ume naman, binayaran ang lahat ng isa ni
