Naalimpungatan ako mula sa mahimbing kong pagkakatulog nang may marinig akong ingay na nanggaling sa labas ng k’warto ko. Parang may nagbukas ng pinto ng bahay ko. Makailang ulitakong pumikit-pikit upang ma-adjust ang mata kong nanlalabo pa.
Nag-inat ako at bumangon na mula sa pagkakahiga. Nilingon ko ang bintana ng k’warto ko, madilim pa sa labas pero naririnig ko na ang pagtilaok ng mga manok kaya nahulaan kong madaling-araw na. Siguro ay si Nanay Elena ang pumasok sa bahay ko para gisingin ako.
Humihikab pa akong bumaba sa kama ko at lumabas sa k’warto upang puntahan ang matanda sa labas. Nakahawak palang ako sa pintuan nang mag-angat ako ng tingin sa taong nasa sala, prenteng nakaupo sa upuang kahoy nando’n at nagkakape sa tasa niya.
Nagsalubong ang mga kilay ko nang makita ko kung
