Kinabukasan ay nagpunta kami sa Hospital, oo, kami, nakabuntot pa rin kasi sa akin ang dalawang lalaki. Doon sila natulog kagabi sa bahay ni Nanay Elena at ako naman ay sa bahay ko. Hindi na kami nakabalik sa Hospital dahil hinanap pa namin ang mga id at mga papeles na kakailanganin ni Nanay Elena sa Hospital.
Pagpasok palang namin sa k’warto ay agad ko nang napansin ang pangungunot ng noo ni Mang Kanor nang makita niya ang dalawang lalaki na nakasunod sa akin na parang mga body guard ko. Lihim akong napairap dahil sa kanilang dalawa. Para silang nagpapaligsahan, pinapauwi ko na nga sila kaninang umaga hail baka may gagawin din sila sa kanilang bahay pero ang titigas ng ulo nila at hindi pinansin ang sinabi ko.
“Ano ang meron?” tanong ni Mang Kanor habang nakatingin sa dalawang kasama ko
