“Mike?”
“Good morning, Sandra-ganda,” nakangiting bati pa rin nito sa akin. Napangiwi na lang ako nang marinig ko na naman ang tawag niya sa akin.
“Alam mo, hindi gaganda ang morning ko kung ikaw ang bungad dito,” sabi ko rito.
Napasimangot naman ang lalaki. “Ito naman, sabi nila na mas gaganda raw ang umaga mo kapag pogi ang bumungad sa ‘yo,” katwiran nito at mas lalo akong napangiwi dahil sa sinabi niyang ‘yon.
“Ngi, tama ka nga pero…” Lumingon-lingon ako sa paligid namin para hanapin ang pogi na tinutukoy niya. “Wala namang pogi rito ngayon.”
Mas lalong napasimangot ang lalaking nasa harap ko kaya napangisi na lang ako.
“Umagang-umaga naman inaasar mo ako, Sandra-ganda,” sabi nito na nakasimangot na. Nawala na ang matamis na ngiti sa kaniyang mga labi no’ng batiin niya ako.
Natat
