Maliwanag na nang makarating ako sa p’westo ni Nanay Elena. Naglaba kasi muna ako ng mga damit ko bago pumunta rito.
“‘Yon nga ang bali-balita rito!” Malayo palang ay naririnig ko na ang boses ni Aling Osang, tindera rin siya at katabi ng p’westo niya ang p’westo ni Nanay Elena.
Para na naman siyang may kaaway pero pupusta ako, magkausap lang sila ng kaniyang mga kap’wa tindera.
“Kalat na rito sa buong palengke, Aling Elena. Hindi ko nga lang kung paanong biglang sumabog ang balitang ‘yon dito,” dagdag pa nito.
Nangunot ang noo ko. Nang makalapit na ako sa kanila ay binata ko sila.
“Magandang umaga po, mukhang may mainit-init na balita tayo, ah,” biro ko pa sa mga ‘to dahil nakita kong tensyonado ang kaniyang mga mukha at parang nag-aalala talaga kaya hindi ko maiwasan na hindi mapata
