MARIO'S POV
Nakangiti akong bumaling dito. “Ayos naman, unti-unti naming kinikilala ang isa’t isa at medyo nahuhuli ko na ang ugali ni Emerald.” Kunway sabi ko.
“Mabuti kung gano’n, hindi naman na kami magugulat kung magrereklamo ka sa amin dahil sa ugali niya. Kilala namin ang anak namin.”
Hindi ko rin malaman kung saan nagmana si Emerald dahil pareho na mabait ang mga magulang niya kaya hindi ko alam kung saan niya nakuha ang ugali na meron siya.
“Mahaba naman ang pasensya ko,” sabi ko sa mga ‘to kahit na alam ko sa sarili ko na hindi naman totoo ‘yon. Mabilis uminit ang ulo ko at mabilis din akong mainis, in-short I’m a short tempered person.
“Salamat talaga sa ‘yo, hindi na ako makapaghintay na maikasal kayong dalawa,” masayang pahayag sa akin ng ginang, doon na tuluyang naglaho
