Tahimik lang ako habang kumakain at may binabasa na libro sa tabi. May quiz kami ngayon at binabasa ko na lang ang mga ni-review ko nitong mgaa nakaraan para sa quiz namin ngayon.
Nagiging familiar na sa akin ang mga terminology kaya kaunting basa na lang talaga ang kailangan dito.
“Sandra, ito na ang gatas mo.” Inilapag ni Nanay Belen ang isang basong gatas na pinatimpla ko sa kaniya kanina.
Saglit kong inalis ang mga mata ko sa libro at tumingin sa matanda. “Salamat, Nanay Belen.”
“Walang anuman, siya, mag-aral ka lang d’yan nang mabuti. Tawagin mo na lang ako kapag may kailangan ka pa, ha?” bilin nito sa akin.
“Opo, salamat po ulit.” Bumalik na sa loob ng kusina si Nanay Belen.
Ipinagpatuloy ko na ang ginagawa ko.
Ako lang ang kumakain ng umagahan ngayon dahil wala sina Mama, nas
