Siguro ay dala na rin ng pagod sa byahe kaya mabilis akong nakatulog, idagdag pa na madalas akong makaramdam ng antok nitong mga nakaraang araw. Siguro ay dahil sa pagbubuntis ko.
May duty na si Ume ngayon kaya si David ang nakasama ko, si Ysabelle naman ay may pasok na din sa trabaho kaya kaming dalawa lang ni David ang naiwan sa condo ni Ume. Dito na siya dumiretso paggaling niya sa hospital.
Ngayong araw rin kami pinapapunta ni Ume sa hospital, bukas pa kasi ang uwi niya at naka-day off naman ang kaibigan niyang ob kay ngayon na kami magpapa-check up. Nakakahiya kay David dahil hindi pa siya nakakapagpahinga nang maayos pero ‘eto kami sa sasakyan niya at nagmamaneho siya papunta sa hospital.
“Pasensya ka na talaga, David,” humihikbing wika ko.
“S-stop crying, Sandra, baka makasama s
