SEB’s POV
I had a great day with my best friend.
Sinulit namin ang buong araw na magkasama kami. Inikot namin ang plantation ng kape. Mas lumaki pa ito kaysa noong umalis ako. Sa buong Luzon, isa na kami sa pinakamalalaking may taniman ng kape. Kaya malaki na rin ang market namin.
Pakiramdam ko kanina habang nasa plantation kami, bumalik kami sa pagkabata. Nandoon pa rin ang bahay na ginagawa naming pahingahan noon ni Simeon. May duyan pa rin pero napalitan na ng mas matibay.
Sumakit na nga ang panga ko sa katatawa sa mga kalokohan na binabalikan naming dalawa.
“Hindi ko makakalimutan ang kubong ito, pre.”
“Alam ko, kung bakit? Dito ninyo ginawa ang inaanak ko.”
Malakas na tawa ang isinagot ng pare ko.
“Walang pambayad ng motel, pre. Saka kapag nag-motel, makikilala kami ni Ann
