Magdamag na walang tulog si Rafael, binantayan niya ang nobya habang natutulog ito. Panay din siya silip sa labas at nananatili siyang alerto sa paligid. Bigla niyang naisipang tawagan ang kaibigang si Narding. Magpapasundo sila rito pagdating sa Manila at magpapatulong na rin sila na hanapan ng mauupahan kahit maliit lang munang apartment.
"Hello 'tol, pwede mo ba akong tulungan?" aniya.
"Para saan 'tol?"
"Kasama ko ngayon si Rima, nagtanan na kami."
"Whoah! Seryoso? Laking problema niyan! Mahirap 'yan 'tol, nasa squatter lang kami ngayon naglalagi. Eh laking mayaman 'yang girlfriend mo. Kaya ba ng sikmura niyan tumira rito?"
"Pansamantala lang naman. Lilipat lang din kami kaagad. Sa ngayon kasi, matutuluyan lang ang kailangan namin."
"Sige 'tol, magtatanong-tanong ako rito. Mag-iin
