“Sinong N?” curious na tanong ni Julie.
Kumunot ang noo ko sa aking nabasa at napaisip kung sinong N iyon. At bakit naman niya naisipang magpadala ng ganitong dress?
“Hindi mo kilala kung sinong nagpadala, Miss Rachelle?” tanong ni Julie. Umiling naman ako at muling binasa ang note.
“Baka naman na-wrong sent ang nag-deliver.” sabi ko kay Julie.
Muli naman niyang tiningnan ang recipient nito.
“Tama naman po. Rachelle Dela Luna ang nakalagay.”
Inabot pa niya sa akin ang paperbag at ipinakita ang printed na pangalan ko roon. For the third time ay binasa ako ang note.
My girl, I hope you’ll like it.
My girl. My girl. Ilang beses ko pang inulit sa isip ko ang dalawang salita na iyon. Bigla ko namang naalala ang sinabi sa akin ni Nikolai noong ibinigay ko sa kaniya ang checklist ng mg
