Chapter 31
Nakabukas ang ilaw sa loob ng bahay nang dumating si Kara. Bumilis ang t***k ng kanyang puso. Kinakabahan siyang lumingon at hindi na niya maaninag ang binata. Naglakad siya papasok at dahan-dahan na pinihit ang seradura.
Nang bumukas ay sumilip pa muna siya sa loob. “Tatay?” tawag niya sa ama nang hindi ito makita. Tuluyan siyang pumasok sa loob at isinara ang pinto. Pagpasok niya sa kusina ay naroon na nakaupo ang ama at seryoso itong nakatingin sa kanya.
“Kara, bakit ngayon ka lang umuwi? Gabing-gabi na,” panunumbat nitong sabi sa kanya.
Napalunok si Kara dahil sa takot. “Ka-Kasi po, may ginawa pa kami ni Camilla, ‘Tay,” nagsisinungaling niyang sagot.
Hindi kaagad ito nagsalita. Sumenyas itong maupo sa kaharap nitong upuan. Aligaga namang sumunod si Kara. “Bakit po, ‘
