Habang unti-unti nilang inaayos ang mga gamit sa loob ng bagong bahay, ramdam ang kakaibang saya sa pagitan nina Sidney at Drake. Hindi man kalakihan ang bahay, ngunit punô ito ng bagong alaala at mga pangakong bubuuin pa lang.
“Ang dami pala nating gamit, Mommy,” sambit ni Drake habang bitbit ang isang kahon ng mga libro. May bahid ng ngiti sa kaniyang mukha, lalo na’t kitang-kita ang saya sa mga mata ni Sidney.
“Hindi tayo, kundi ikaw,” balik ni Sidney habang tinutupi ang ilang kumot na isinalansan sa sofa. “Akin lang yata ay dalawang bag lang ah?”
Nilapag ni Drake ang kahon sa gilid ng estante. “Oo nga, pero dala mo puso ko, so panalo ka pa rin,” sambit nito sabay lapit sa dalaga at banayad na hinila ang isang hibla ng buhok nito sa may pisngi.
“Drake…” Napakagat-labi si Sidney. Hin
