“KUMUSTA ka naman, Inay?” tanong ko kay Inay nang pumasok siya sa aking silid habang dala ang aking hapunan.
“Ayos naman ako, 'Nak. Ikaw? Kumusta na ang pakiramdam mo?” tanong niya sa akin pabalik habang inilapag sa aking study table ang pagkain at ang aking tumbler.
“Ayos lang din ako, 'Nay. Masakit pa rin 'yong katawan ko't paa ngunit hindi na masyado. Huwag niyo na ho akong alahanin at siya nga pala 'Nay, pasensya ka na at hindi kita natulungan sa mga gawaing bahay, ha? Naging dagdag abala pa tuloy ako sa inyo.”
“Naku naman, Yvette. Huwag mong isipin 'yan, 'Nak. Sanay na akong mag-alaga sa inyo simula nang mga bata pa kayo. Responsibilidad kong bilang magulang ang alagaan kayo lalo na sa mga panahong kailangan niyo ng karamay sa buhay. Hanggang kaya ko pang alagaan ko kayo, aalagaan
