KATULAD NG INAASAHAN ni Rocco, naroon nga ang tatlong banta sa kanyang trono. Kahit na alam niyang walang ipinapakita ang mga ito na magbibigay sa kanya ng problema, hindi niya pa rin mapigilan ang sarili. Naroon pa rin ang pag-aalala para sa kanya. Inaasahan niya ng muling magbabalik ang mga ito upang komprontahin siya. Ngunit katulad ng kanyang mga naunang plano, hindi siya gumawa ng kahit na anong hakbang. Hinihintay niya na manggaling sa mga ito ang una. Ganoon katindi at kalawak ang pasensya at diskarte niya sa mga bagay-bagay. Sa mga planong iyon, naroon pa rin ang pagdadalawang-isip sa kanya. Hindi niya kase alam kung maaaring sa mga susunod na araw ay may pagsisihan siya na wala pa ring ginagawang kahit ano.
Nakaupo na ngayon si Rocco sa trono ng kanyang kapatid kaharap ang tatlon
