HINDI NAKABALIK SI Rocco sa mundo ng mga tao. Ilang araw pa rin siyang namamalagi sa mundo ng Morefia. Binabantayan niya ang bawat galaw ng Koza. Inaalam ang mga susunod na kilos at hakbang nito. Hindi niya rin magawang matulog na nasa kaalamang hindi ligtas ang buong bayan dahil sa panganib na lilikhain nito. Dahil sa mga pangyayaring iyon, isa-isang pinupuntahan ni Rocco ang mga bayang napipinsala. Inaalam niya ang mga kalagayan ng iba.
Sa mga lugar na napuntahan niya na, hindi maiwasan ni Rocco na huwag ikumpara ang dati nitong itsura sa kasulukuyan. Malayong-malayo kase iyon. Dahil din sa naging utos niyang walang lalabas ay wala ng makikitang Morefian sa labas ng kani-kanilang tahanan. Nasa loob na ang lahat para sa kanilang kaligtasan.
Ang sumunod na bayan ang nakapagpagising sa di
