THIRD POV
Hindi mapakali si Lisa nang mapansin niyang hindi umuwi si Reina. Alas-dos na ng madaling-araw ngunit wala pa ring paramdam ang pinsan niya. Sa isip ni Lisa, may kutob na siya kung saan ito nagpunta—at kung sino ang kasama nito. Napakagat-labi si Lisa habang mabilis na nag-dial ng numero.
"Si Clyde lang ang puwedeng kasama niya," bulong nito sa sarili, halatang nagngingitngit.
Tumunog ang linya. Isang beses. Dalawa. Sa pangatlong ring, sinagot na ito.
“Hello?” malamig ang boses ni Clyde.
“Clyde, nasaan ka?” tanong ni Lisa agad, walang pasakalye. “Kasama mo ba si Reina?”
"Wala akong oras sa mga tanong mo, Lisa." Diretsong sagot ni Clyde, puno ng pagod at pagkainis ang tono. "At kahit kasama ko man siya o hindi, wala kang karapatan na diktahan ako kung anong dapat kong gawin
