Isang Umagang Puno ng Pag-aalangan
Tahimik na tinusok ni Reina ang kanin sa kanyang plato, pinipilit huwag ipahalata ang pagkabalisa.
Sa harapan niya, seryosong nakatingin sa kanya si Tita Sonya habang nagsasandok ng ulam. Sa tabi nito, si Lisa, nakapamewang at nakataas ang isang kilay, wari’y may gustong patunayan.
"Reina," seryosong bungad ng tiyahin niya, dahilan para mapatingin siya rito. "Iwasan mo si Clyde."
Napakurap si Reina. "Po?"
"Iwasan mo si Clyde," ulit ni Tita Sonya, mas madiin ang tono. "Alam mo namang nobyo siya ng pinsan mo. Ayokong may marinig akong kung anu-ano tungkol sa’yo."
Hindi agad nakasagot si Reina. Alam niyang matagal nang hindi boto sa kanya ang tiyahin niya. Mula pa lang noong tumira siya rito, parang palaging may mali sa kanya sa paningin nito.
Pero ba
