Napabuntong-hininga si Reina habang mabilis na isinisilid ang mga pinamili niya sa eco bag. Pilit niyang iniiwasan ang tingin ni Clyde na nakasunod pa rin sa kanya gaya ng aninong ayaw umalis.
"Ano pa bang kailangan mo, Clyde?" mariin niyang tanong habang huminto sa gilid ng karinderya.
Ngumiti lang ang lalaki, tila wala siyang nararamdamang tensyon. "Wala naman. Gusto lang kitang samahan."
"Tigilan mo nga ako. Hindi mo kailangang samahan. Hindi mo ba naiintindihan? Baka makita tayo ni Lisa!" bulong ni Reina pero may diin ang boses.
Napakibit-balikat si Clyde. "Eh, ano naman kung makita niya tayo? Wala naman tayong ginagawang masama, 'di ba?"
"Masama na ‘yan para sa kanya," sagot ni Reina habang nanlalaki ang mga mata. "Bakit ba ang kulit mo?"
Lumingon-lingon si Reina, takot na baka
