Halos pigil hininga ang ginawa ni Aiden nang biglang yumakap si Apple sa kanya. Tumabi siya kanina sa kama at sinubukan na matulog. Nakapikit man ang mga mata niya ay hindi naman siya dinadalaw ng antok. Siguro ay dahil iniisip niya na katabi niya ang dalaga kaya hindi siya mapakali. Nagulat siya nang tandayan siya nito.
Napalunok na lang siya ng mariin saka dahan-dahan na inalis ang paa nitong nakatanday sa hita niya. Dahan-dahan dahil ayaw niyang magising ito. Wala na siyang nagawa nang niyakap siya ng dalaga ng mahigpit sa bewang. Napabuga na lang siya ng hangin saka humarap dito.
Hinaplos niya ang maamo nitong mukha. Sa dinami-dami ng babae na nakilala niya ay wala pangbabae na nakapagpasaya sa kanya ng ganito. Simula ng ma-brokenhearted siya kay Agatha. Simula ng maghiwalay sila noo
