Hindi masyadong nakatulog kagabi si Apple dahil sa kakaisip niya sa binata. Sa kakaisip niya sa mga nangyari. Pakiramdam niya kasi ay ang bilis nang mga naganap kaya pakiramdam niya ay isang panaginip ang lahat ng ito. Natatakot siya na baka kapag natulog siya at sa paggising niya ay doon niya malalaman na isang panaginip lang pala lahat.
Na hindi pala totoo na nagkita sila ng binata, na nagkaayos na sila. Nakakapraning mang-isipin pero ‘yon talaga ang iniisip niya. Natatakot siya na baka kinabukasan ay hindi pala talaga siya mahal ng binata at galit ito sa ginawa niya. Hindi niya namalayan na nakatulugan na pala niya ang sobrang pag-iisip at nagising na lang siya bigla kinaumagahan dahil sa malakas at sunod-sunod na katok.
“Sandali lang,” sigaw niya saka bumangon mula sa kama. Isinuot
