Nakatulalang nakatingin sa kawalan si Apple habang laman pa din ng isip niya ang narinig sa party noong isang linggo. Isang linggo na pero sariwa pa din sa isip niya ang narinig at saya na nakita niya sa mukha ni Agatha habang sinasabi nito na boyfriend na ulit nito si Aiden. Napasandal siya sa bintana saka napabuntong-hininga. Hinayaan niya ang luhang kumawala sa kanyang mga mata.
Ito na naman siya, umiiyak, samantalang ang taong iniiyakan niya ay masaya na sa nobya nito. Felling niya ay naka-move on na ito at siya na lang ang naiwan, nasasaktan, at umiiyak. Nasaan na ang mga pangako mo, Aiden? Akala ko ba hindi mo ako kayang bitawan? Akala ko ba hindi mo ako papakawalan, pero bakit ngayon masaya ka na kasama siya? Kinain mo na ba ang lahat ng sinabi mo?
Natawa siya nang mapakla. Kaya p
