“Ayos lang kaya si Madam?” tanong ni Robert kay Yna. Nakasilip ito sa hamba ng pinto ng kusina habang nakatingin kay Mrs. Thompson na parang hindi mapakali at pabalik-balik sa nilalakaran nito.
Nagkibit-balikat ang dalaga. “Hindi ko din alam, eh.”
“Ano ba kasing nangyari? Hinanap ka niya kanina tapos nang pumasok ‘yan dito ay nagkaganyan na ‘yan?” tanong naman ni Gretchel habang nagpupunas ng pinggan.
“Hindi ko din alam kung ano ba talaga ang nangyari, pero,” hininaan niya ang boses sa susunod na sasabihin kaya naman lumapit si Robert at naupo sa tabi nito. “dumating kasi kanina si Apple.”
“Si Apple?” sabay na tanong ng dalawa kaya tumango naman siya. “Oh, tapos? Anong nangyari?”
“Ayon na nga. Hindi ko na alam dahil pinapasok na ako ni Madam dito, pero nakikita ko kanina na hindi nat
