Napakurap-kurap ng mga mata si Apple habang nakatingin sa lalaking nakaupo ngayon sa tabi niya. Hindi siya makapaniwala na nandito ito ngayon sa harap niya. Iniiwasan nga niya ito, pero bakit nandito ito ngayon? Ngumiti ito na mas nakapagpagulat sa kanya. Kinusot-kusot pa niya ang mga mata saka muling tumingin sa binata. Pakiramdam niya hanggang ngayon ay pinaglalaruan pa din siya ng paningin niya.
Bakit ba pakiramdam niya ay natutuwa ang tadhana na paglaruan siya? Kinurot pa niya ang kanyang kamay para magising kung saka-sakali na isa itong panaginip. Grabe ang dasal niya kanina na hindi makita o makasalubong ang isa sa tatlo, pero mukhang hindi naging sapat ang pagdadasal niya dahil nandito na nga ang isa sa mga iniiwasan niya. Nasa tabi at harap niya, ngumingiti na parang baliw.
“Lon
