Hindi alam ni Aiden kung saan magsisimula sa paghahanap sa mag-ina niya. Kinakabahan siya. Noon ay wala siya sa tabi ng dalaga nang kausapin ito ng ina tungkol sa kontrata nila, ngayon ay wala na naman siya habang kausap ito tungkol sa anak nila. Kinakabahan siya at hindi mapakali dahil baka kung anu-ano na naman ang pinagsasabi ng ina niya dito para layuan na naman siya nito.
Para na nga siyang mababaliw nang malaman niyang umalis na ang dalaga, paano pa kaya ngayon kapag umalis na naman ito kasama ang anak nila. Baka ikabaliw na talaga niya. Kinuha niya ang cellphone saka tinawagan ang telepono sa bahay nila. Hindi nagtagal ay sinagot ito ni Gretchel.
“Gretchel, nandiyan na ba si mommy?” walang paliguy-ligoy niyang tanong sa dalaga.
“Wala po, eh. Umalis po siya kanina at hanggang ngay
