Inihatid ni Aiden ang mag-ina niya kinabukasan sa bahay ng mga Dewis. Gusto sana niyang ipasyal ang mag-ina niya ngayon pero sa tingin niya ay hindi ito ang tamang araw lalo na’t nararamdaman niyang iniiwasan siya ni Apple. Simula kanina pagkagising nila ay hindi siya nito masyadong pinapansin, ni ang tingnan siya nito ay wala. Kahit hanggang sa pagkain at hanggang sa makarating na sila dito ay hindi pa din siya nito pinapansin. Pakiramdam niya tuloy ay ayaw na siya bigyan ng pag-asa ng dalaga sa kabila ng ipinagtapat niyang katotohanan kagabi dito.
Yumakap sa hita niya si Angelo nang maihatid na niya ito sa harap ng bahay nina Dylan. Pumantay siya dito para mayakap siya nito ng maayos. “Bye, Papa. Sana maulit ang nangyari kagabi,” bulong nito sa kanya. Napatingin siya kay Apple na sa kaw
