Naiirita na si Aiden dahil sa dalawang tao na kasama niyang nagbabangayan sa loob ng elevator. Parang gusto niyang ihagis ang mga ito palabas ng hotel dahil sa ingay ng mga ito. Kanina pa kasi nagbabangayan ang mga ito. Parang mga aso’t-pusa, ayaw tumigil. Sa tuwing nagkikita ang landas ng dalawa ay wala talagang araw na hindi nag-aaway ang mga ito. Palagi din kasing iniinis ni Dylan si Danicca kaya palaging umuusok ang ilong nito.
Hindi naman kasi dapat kasama sa kanila si Danicca. Kahit pa ilang beses itong nagpumilit na sumama sa kanya ay hindi siya pumayag. Akala niya ay naiintindihan nito ang sinasabi niya, pero hindi pala dahil nagulat na lang siya nang makita ito sa hotel. Sumunod pala ito sa kanila ni Dylan. Naiinis na siya dito dahil para itong buntot niya, palaging nakasunod kun
