Chapter 7
Hindi siya makapaniwala sa kaniyang narinig. Itinaas niya ang kaniyang kamay upang abutin si Zavia ngunit ito na mismo ang lumapit. Tumingin ito sandali sa kaniyang kapatid bago siya hinarap at nagsalita.
“Oo, Robin, tama ang pagkakarinig mo. Buhay ang bata sa sinapupunan mo at maski sina Maxis ay hindi makapaniwala. Si Maxis ang tumingin sa kalagayan mo at isinailalim ka niya sa kaniyang mahika upang malaman kung nakaligtas ang bata noon, hindi ba? At nalaman niya na nalaglag ito ngunit nagkaroon ng hindi inaasahang pagbabago.”
Napakapit siya kay Zavia dahil sa sinabi nito. Hindi siya nananaginip, hindi siya nagkamali ng rinig. Buhay ang kaniyang anak, buhay pa ito.
“Ku-kuya...”
Ngumiti sa kaniya si Hexus at naglakad ito palapit sa kaniya. Pinunasan nito ang mga luha n
