Chapter 6
Nang imulat ni Robin ang kaniyang mga mata ay una niyang nakita ang mukha ni Callia. Nakita niya ang pag-aalala sa mukha ng maliit na nilalang habang nakaharap sa kaniya.
“Gising na siya! Halika kayo!” rinig niyang sigaw ni Callia.
Sumunod na nakita niya ay ang tatlong diwata niyang kaibigan. Si Liva, Lica at si Lixa. Pumalibot sa kaniya ang apat na diwata habang lumilipad ang mga ito. Ilang sandali pa ay bumangon siya upang makausap ang mga diwata.
“Ano ang nangyari sa akin?” tanong niya.
“Sandali! Tatawagin ko ang mahal na hari! Ay! Nasa pagpupulong nga pala siya, hala, teka, si Sayah pala ay nasa labas!” sabi ni Liva na hindi malaman ang gagawin.
“Callia, nasaan si Nathalia?” tanong ni Robin sa kaniyang diwata.
“Nasa pagpupulong, kami ang pinagbantay sa ‘yo at si Sa
