Sa sinabi ni Phantom ay hindi ako nakaimik, kaya naman ay wala na akong naging palag pa nang hilahin niya ako palabas ng Clubhouse. Tuluy-tuloy lang ito sa paglalakad hanggang sa makalabas kami ng Rampage building. Mamayang umaga na ang alis namin? F*ck! Anong oras na ba?
Wala sa sariling napatingin ako sa wrist watch ko at nakitang alas sais na ng gabi dahilan para manlaki ang dalawang mata ko. Holy f*ck! Ganoon ako katagal naglasing? At ganoon kaaga kaming aalis dito sa isla? Teka, hindi pa ako handa. Parang ayaw ko pa.
Ngunit sa tuwing naiisip ko iyong mga dahilan at kailangan kong isakripisyo ay nagiging buo ang loob ko. Kahit pasuray-suray sa paglalakad ay matiyaga naman akong inalalayan ni Phantom hanggang sa makarating kami sa ten private villas na siyang ikinahinto ko.
"C'mon, R
