SACHI’S POV
Dahil sa mga nangyari mabilis akong nakatulog agad. Pakiramdam ko kasi ay pagod na pagod ako. At dahil maaga akong nakatulog ay maaga rin akong nagising. Napagdesisyunan ko rin kasi na ako na ang magluluto ng almusal namin.
Bumangon na ako at bahagyang natigilan nang mapansin ko ang isang bulaklak na nakapatong sa may table ko. Hindi ko maalala na may nagbigay sa akin nito kahapon kaya ganoon na lamang ang pagtataka ko kung bakit mayroon nito dito. Marahan akong lumapit sa may table upang mas makita ng malapitan ang bulaklak.
Imposible namang may makapasok dito sa kwarto ko dahil kung mayroon man ay paniguradong magigising ako agad. At isa pa, nilo-lock ko ang kwarto ko kapag matutulog na ako. Bumuntong hininga ako. Pati ba naman ang simpleng bulaklak ay pakaiisipin ko pa.
