Vengeance of Fate

CHAPTER 33

KRESHA’S POV

“Mars, naman. Magkakasakit ka niyan eh!” sabi ni Senia at binigyan ako ng twalya na tuyo para ipunas sa basa kong katawan.

Pumasok ako sa kwato niya at binigyan naman niya ako ng malilinis na dami.

“Saan ka ba galing at basang-basa ka?” tanong niya sa akin. Hindi ako sumagot at nanatili lang akong nakatulala.

“Don’t tell me, pinuntahan mo na naman si Kyle?” nakataas ang kilay na tanong niya sa akin kaya naman napatingin ako sa akniya. Nakita kong huminga siya ng malalim bago tumingin muli sa akin.

“Mars naman. Hindi ba sabi kong wag ka nang pupunta doon?” sambit niya sa akin bago tiniginan ako ng seryoso.

“Sinubukan ko namang makausap siya,” sabi ko pero mas lalong tumaas ang kilay niya.

“So, anong napala mo? Wala hindi ba?” tanong niya at tumayo. Hindi pa siya nakaakalabas nang magsalita ako.

“Mas mabuti na yung wala akong napala. Pero hindi eh, sama ng loob at sakit yung napala ko,” sabi ko sa kaniya na ikinatigil niya. Agad siyang lumingon sa akin at seryosong nakatingin.

Huminga ako ng malalim bago nagsalita.

“Ang sakit pala,” sambit ko at mapait na ngumiti.

“Nagkita na kayo?” tanong niya sa akin. Hindi ako sumagot. Nanatili akong nakayuko habang huminga ng malalim.

“Kinamumuhian niya ako. Nandidiri siya sa akin,” naiiyak na sabi ko. Naaalala ko kung paano niya ako kausapin na parang diring-diri siya sa akin.

“Mars,” sabi ni Senia at tumabi sa akin.

“Ang masakit lang kasi ay mas pinoprotektahan niya ang babaeng yon laban sa akin,” dagdag ko pa.

“Mars, hindi ba ang sabi ko sa iyo kahit na anong maging resulta ng iyon ay andito lang ako?” sabi niya pa at niyakap ako kahit na basang-basa ako galing sa ulan.

“Hinanda ko ang sarili ko dito. Ilang buwan kong pinaghandaan ang lahat ng maaring mangyari pero bakit ngayon parang bago lang sa akin lahat?” sabi ko sa kaniya kita ko naman ang mata niya na naawa sa akin.

Tumawa pa ako bago muling nagsalita.

“Sabagay, sino pa nga ba ang tatanggap sa akin? Sino nga ba ang hindi mandidiri kung malalaman ng isang tao na ay yung babaeng mahal niya ay ang kabit ng daddy niya kaya nasira ang pamilya niya,” natatawang sabi ko at kasunod noon ang luhang tumutulo sa mata ko.

“Mars, huwag mong sabihin iyan. Si Vince ang may kasalanan dahil pinangakuan ka niya pero hindi niya pinandigan,” sabi ni Senia kaya naman huminga ako muli ng malalim.

“Nagmahal ka lang, ang mali mo lang ay nagmahal ka sa maling paraan. Sinubukan mong pigilan ang lahat. Sinubukan mo nang kontrolin ang nararamdaman mo pero hindi iyon sapat,” dugtong niya at tinapik ang likod ko.

“Bakit ba ganito, Mars? Bakit ko nararanasan ang bagay na ito? Karma ko ba ito sa pagpatol ko kay Vince? Dahil sinamantala ko ang kahinaan niya sa asawa niya kaya ganito ang buhay ko ngayon? Binigay sa akin si Kyle para maging karma ko?” tanong ko sa kaniya habang hinihintay ang sagot niya. Nakatingin lang siya sa akin at niyakap ako.

“Mars, hindi ka masamang tao para karmahin ka. Hindi ba ang sabi mo ay may dahialn ang lahat ng bagay?” sabi niya pa agad naman akong nagsalita.

“Pwes, hindi ko maintindihan kung ano ang dahilan bakit nangyari ang bagay na ito. Ako yung tunay na nagmahal pero bakit ako yung kinarma sa huli?” sambit ko pa sa kaniya.

“Mars, listen to me. Hindi ba nangako ka na kahit na anong mangyari ay tatanggapin mo ang magiging resulta? Oras na para kalimutan mo sila. Oras na para sa sarili mo, Mars,” sabi niya habang hawak ang mukha ko.

Bigla naman akong napaisip sa sinabi niya. Napailing ako bigla.

“Hindi ko kaya, Mars. Hindi ko pa kayang kalimutan si Kyle,” malungkot na sabi ko. Kahit na sinabi ko noon na tatanggapin ko ano man ang mangyari ay hindi ko rin magawa ngayon. Ilang beses na akong pinatabuyan ni Kyle. Pero patuloy pa rin ako sa pagkumbinsi na baka makinig siya sa akin.

“Kaya mo, Mars. Kung gugustuhin mo lang ay magagawa mo,” sabi niya kaya napatingin na naman ako sa kaniya.

“Sa tingin mo gusto ko ang ganoon, Mars? Mahal ko si Kyle. kung si Vince ay hindi ko magawang ipagglaban ngayon ipaglalaban ko si Kyle. Ibabalik ko ang tiwala at pagmamahal niya sa akin,” sabi ko pa at tuluyan nang nagbihis bago ako lumabas ng kwarto niya at pumasok ng kotse.

“Mars, saan ka pupunta? Tumigil ka na please!” sabi niya sa akin pero nagpatuloy ako sa pag-drive. Kung siya nga noon hindi siya sumuko kakasuyo sa akin hanggang sa mapatawad ko siya. Kailangan ko lang maging matiyaga. He still loves me and I know that. Hindi ko pwedeng pabayaan na lang ang lahat na ganito. Hindi ko pwedeng hayaan a mawala siya habang unti-unti siyang nabalik kay Alison.

Babawiin ko si Kyle.

***

Ibinagsak ko ang katawan ko sa malambot na kama habang nakatulala sa kisame. Bumalik ako ng company nila pero hindi na ako pinapasok pa ng guard kaya naman naghintay ako doon pero hindi ko nakita si Kyle. Kaya umuwi na lang ako para magpahinga. Sinubukan ko siyang tawagan pero hindi ko na siya matawagan pa.

Sinubukan ko ang lahat ng bagay na alam ko para makausap siya pero balewala ang lahat. In-stalk ko siya pero dahil ibang account ang gami ko at hindi kami friend ay hindi ko makita ang recently photos niya.

IOsang malalim na hininga ang lumabas sa bibig ko. Hindi ko alam kung anong pumasok sa utak ko at si Alison ang isinearch ko. Sa bio pa lang niya sa sss ay unti-unti akong nanghina. Kinakabahan akong nag-scroll pababa dahil hindi ko alam kung ano ang maari kong makita kapag binaba ako. Pabilis nang pabilis ang t***k ng puso ko nag marating ko ang parts ng photos niya.,

Nakita doon ang mga sexy photos niya pero nang makarating ako sa part na timeline niya at napatigil ako. May mga post siya at hindi ko alam kung para kanino iyon dahil hindi ko makita ang name na naka-tag.

Hindi naman ako tanga para hindi malaman kung para kanino iyon ngayong alam kong baliw na baliw siya kay Kyle at alam kong gagawin rin niya ang lahat para hindi kami magka-ayos.

Puro tungkol iyon sa lovelife qoutes. Medyo korni pero sa tuwing maalala ko na para iyon kay Kyle ay naiinggit at nagseselos ako. Lalo na nang buksan ko ang comments pero hindi ko mabasa ang ibang comments. Mas lalong lumakas ang kabog ng dibdib ko nang mabasa na nag-I love you too si Alison sa comments niya.

Biglang naninikip ang dibdib ko. Si Kyle nga ba iyon? Bakit siya magre-reply ng ganon kung hindi siya sinabihan ni Kyle? Gaya nang naunang post ay ganon rin sa iba. Kita ko sa comments ni Alison na kilig na kilig siya.

Kaya naman mas lalo akong na-curious. Gusto kong mabasa ang lahat. Gusto kong malaman ang lahat ng nangyari kung totoo nga ba na sila na ulit ni Kyle at Alison.

Inilapag ko ang cellphone ko sa mesa na nasa tabi ko. Huminga ako ng malalim bago naramdaman ang pagtulo ng luha ko. Tama na ang kakaiyak! Ilang gabi na ba ako naiyak? Hindi lang siguro gabi dahil minsan hindi na ako nakakadalaw sa cafe kapag namamaga ang mata ko sa umaga dala ng pag-iyak ko sa gabi.

Pati sarili ko napapabayaan ko na rin dahil sa kaka-overthink ng mga bagay. Gusto ko lang naman mag-relax pero sa tuwing susubukan kong ikalma ang sarili ko o pumunta sa mga tahimik na lugar ay hindi ko maiwasang hindi maisip siya. Kaya kadalasan ang bagsak ko ay sa abr para maaliw ako kahit papaano.

Hindi pa rin ako susuko. Kung tama nga si Alison. Babawiin ko si Kyle sa kaniya.