WARNING: SPG ahead.
"Anong ginagawa mo rito?"
Imbes na sagutin ang tanong kong iyon ay isang marahan na halik sa noo ang iginawad ni Brandon sa akin. Dumoble ang gulat sa akin. Nanlalaki pa ang mga mata ko habang pinagmamasdan siyang nakatayo lang sa harap ko.
"Bakit ka nandito?" muli ko pang sambit ngunit hinila lang niya ulit ako papasok pa sa loob ng unit.
Nananatiling lito ang mukha ko. Ang daming tanong ang siyang lumilitaw sa isipan ko. Anong gagawin ng isang Brandon dito? Wala siyang nabanggit sa akin na ganito. Kaya bakit siya nandito?
Sinusundan ba niya ako? Leo the second?? Stalker? O gusto lang niyang mambakod?
"Gutom ka ba?" panimula nito. "Hindi ka pa raw kumakain."
Hindi na ako nakakakain ng gabihan dahil dere-deretso ang tulog ko sa biyahe. Pero bago naman kami umali
