Bumagsak ang panga ko sa sahig habang hindi pa rin makapaniwalang pinagmamasdan ko si Brandon. Naroon nga siya sa likod namin. Halatang kararating lang din dahil tanaw ko pa ang pagtataas-baba ng kaniyang dibdib.
Ganoon pa man ay hindi maitatanggi ang angking karisma niya. Ang dalawang kamay niya ay naroon nakapaloob sa magkabilaang bulsa ng slacks niya. Suot din ni Brandon ang pinakapaborito kong damit niya.
Nakatupi hanggang siko ang kaniyang button down shirt kaya kitang-kita ang iilan sa mga tattoo sa braso niya. Dim light man din ang nagsilbing liwanag sa pwesto namin ay napanood ko pa rin ang pag-igting ng kaniyang panga.
"Drinks, Ma'am?" Ang pamilyar na waiter ang lumapit sa akin, pang-ilan niya na ito.
Hindi ko siya nilingon nang huminto ito sa gilid ko bagkus ay nananatili ang
