Savanna? Infairness, hindi halatang mahilig siya sa letter S.
Madali kong pinalis ang luha sa pisngi ko. Bago pa man din ako maabutan ni Brandon dito sa labas ay ura-urada akong nagpara ng taxi. Mabuti ay natyempong walang sakay ang una kong pinarahan, kaya kaagad akong nakasakay.
Sa pagsarado ko pa ng pinto ay siya namang paglabas ni Brandon sa restaurant. Nakita niya ang pagsakay ko dahilan para tumakbo siya para habulin ang taxi, pero huli na upang ma-realize niyang may kotse naman siyang dala.
Nang hindi maabutan ay saka pa lamang siya tumalikod, bago patakbong nilapitan ang sariling kotse. Alam ko na susundan niya ako saan man ako magpunta ngayon. Kaya imbes na sa bahay, o sa bahay ni Kuya dumeretso ay sa isang Hotel ako nagpababa.
Tunay nga ring lumalakas na ang ulan at tama lang
