Inuwi na ako sa bahay. Maaga akong na-discharge kahit 'di pa ganoon ka-stable ang lagay ko. Siguro ay iniiwasan lang na maulit pa ang pagtakas ko. Sa sariling kwarto ay may sarili akong private nurse.
Ang doctor naman na si Doc. Andrea Thompson na siyang tumitingin sa akin ay naka-on call sa oras lang na kailangan ko ito. May bantay din ako, isa sa mga katulong namin na madalas nakamasid sa akin.
Naroon ako sa terrace ng kwarto. Nakatanaw sa malayo habang pinagmamasdan ang magandang tanawin mula sa langit. Kagigising ko lang, tama lang para maabutan ko ang pagsikat ng araw.
Ramdam ko naman ang presensya ni Nurse Donna Tuazon sa likod ko, matamang nakabantay lang at nakikinood din sa magandang umaga na iyon. Hindi ko na ito pinansin pa at mukhang nasasanay naman na ako sa ganoong sitwasy
